Gróðurhúsið í Hveragerði

Fyrir nokkrum vikum fór ég ásamt systur minni að mynda í gróðurhúsinu í Hveragerði. Þetta er einstaklega fallegt gróðurhús, með veðruðum veggjum og allskonar tegundum af plöntum, blómum og ávaxtatrjám. Systir mín var að taka myndir fyrir lokaverkefni sitt úr Grafík í Listaháskólanum, þar sem hún fjallaði um íslenskt kaffi sem er ræktað í gróðurhúsinu.

- - - - -

Brooklyn

6E7FB162-1611-4A25-ACCB-CBF98DB0AC65.JPG
IMG_5015.JPG
F551250A-EC0C-4E7E-BA2A-0505474AB9E4.JPG

Páskarnir voru einstaklega góðir þetta árið þar sem ég eyddi þeim með góðri vinkonu í Brooklyn, New York. Hún býr í æðisslegri íbúð umkringd blómabúða, kaffihúsa og veitingastaða, enda borðaði ég mat og drakk góða drykki fyrir allan peninginn. Tók ekki mikið af myndum en þessar lýsa stemmningunni og vorinu sem New York skartaði þessa dagana, mér til mikillar lukku. <3

- - - - -

Sunnudags

Ég er með áráttu að tína laufblöð sem mér þykir falleg. Ég set þau svo í skissubókina mína sem ég hef alltaf með mér og í gær ákvað ég að tæma hana, þau voru farin að detta úr í hvert skipti sem ég tók hana uppúr töskunni. Ég er ekki með neinn sérstakan tilgang í þessu öllu saman en það er eitthvað við það að finna fallegan litatón og þurka þau svo þau haldist falleg. 

- - - - -

Mánudagur

cohen2_bjorg.jpg

Ég hef ekki verið dugleg að pósta hér inn ... ég vinn allan daginn við tölvu og fékk eiginlega bara ógeð að vera í tölvunni. Ég hef ekki tekið upp tölvuna eftir vinnu í heilan mánuð, svona nánast, og er það búið að vera góð tilbreyting. Mér líður reyndar aldrei eins og það sé eitthvað sem ég þarf að gera, (að pósta hér inn) ... en þessi síða hefur gefið mér svo margt og hvatt mig til að æfa mig og læra hluti sem ég hefði líklega ekki verið búin að gera á þessum tímapunkti, svo ég er ekki enn hætt. Síðustu vikurnar er ég búin að vera gjörsamlega HÚKKT á Podcasti sem heitir Here's the thing með Alic Baldwin. Hann er snilldar spyrill og fær til sín allskonar listamenn og athafnarfólk á borð við Paul Simon (Simon & Garfunkel), Sarah Jessica Parker (SATC), Grace Coddington (Vogue), Patti Smith, Lena Dunham (Girls), Jimmy Fallon  ...  í mjög skemmtileg viðtöl. Mæli með þessu snilldar Podcasti!

- - - - -

Miðvikudagur

Mikka skott er búinn að sitja út í glugga og horfa á stóru snjókornin falla. Hann er svo mikið yndi og gerir hversdagslífið svo miklu skemmtilegra. Ég efa það ekki að allir Íslendingar séu búnir að horfa á Kattarshian, ef ekki þá er linkur inná það hér!

- - - - -

Helgin

Ég þreif allt hátt og lágt á laugardaginn því ég átti von á góðu samstarfsfólki í heimsókn. Ég skemmti mér svo sjúklega vel og dansaði framm eftir nóttu í nýju glimmer buxunum mínum frá Stina Goya :) Í dag var svo dagur tvö í þrifi þar sem gólfið var vel klístrað og sást á íbúðinni hvað við skemmtum okkur vel í gær. Þannig á þetta að vera :)

- - - - - 

Gleðilegt nýtt ár!

Ég er búin að vera mjög löt að pósta hér inn. Ég fékk í raun mjög lítið jólafrí og gráir dagar eru ekki beint myndvænir. Þrátt fyrir allt það þá hef ég haft það mjög gott og byrjaði ég janúar með heilsuátaki og jákvæðum huga. Ég hef það á tilfiningunni að 2017 verður gott ár!

I have been lazy posting on my blog. I almost got no vacation this christmas and these grey days of January aren't quite "photogenic". Despite all that I have had a great start of the year, being very healthy and thinking positive. I have a good feeling that 2017 will be a great year!  

- - - - -

Jólin

jol2016_3.jpg
orri_cavalier.jpg

 Jólin voru heldur stutt í ár en samt sem áður náði ég að njóta stundar með fjölskyldu og vinum. Ég er búin að borða út í eitt og stefni á gott detox í janúar (eins og allir á nýju ári ;)) Vonandi áttu þið góð jól kæru vinir. Sá sem stal allri athyglinni þessi jólin var klárlega hann Orri, nýji fjölskyldu-meðlimurinn (hundurinn) ;)

- - - - - 

Þriðji í aðventu

Veðrið er búið að vera fáránlega skrítið og nákvæmlega ekkert jólalegt. Þrátt fyrir næs veður þá hræðir þessi hiti mann og saknar maður þess að sjá snjóinn. Fyrir nákvæmlega ári síðan fórum við einnig að sækja okkur jólatré og var þá veðrið algjör andstæða við þetta, snjóskaflar og kuldi. Ég týndi líka Mikka í rúman mánuð sem var ekki skemmtilegur tími, en allt endaði vel og liggur hann hér mér við hlið saddur og sáttur. Hér að neðan er mynd sem ég tók 13.desember fyrir ári síðan, aðeins önnur stemmning í gangi ;)

jolin2015

- - - - -

Nóvember

Ótrúlegt hvað tíminn flýgur, nóvember kominn!

Ef Nóvember væri persóna þá væri sú persóna í mínum huga drungaleg, skapmikil og geðvond. Nóvember er fyrir mörgum erfiður mánuður, skammdegið stutt og þungt ský yfir mörgum. En það góða er að það er stutt í Desember og alla ljósadýrðina sem þeim mánuði fylgir! 

- - - - -